«Аммоний» Менделеевскида инженерлык мәктәбен төзүгә 32 млн сум акча җибәрәчәк

2022 елның 31 марты, пәнҗешәмбе

«Аммоний» предприятиесе Менделеевскида инженер мәктәбе төзүгә 32 млн сум юнәлдерәчәк. 

Киләсе айда компания «Алдынгы инженерлык мәктәбе» проекты кысаларында КНИТУ-КХТИның стратегик партнеры булачак, дип планлаштырыла. Инде быел ук «Аммония»дән университетка максатчан абитуриентлар җибәреләчәк, ә предприятиедә практика узу, өстәмә һөнәри белем бирү һәм тикшеренүләр уздыру өчен КНИТУның укыту-лаборатория инфраструктурасы белән база кафедрасы булдырылачак. 

Хезмәттәшлекнең тагын бер юнәлеше - Менделеевск тарихы һәм хәзерге тормышын исәпкә алып, сәнәгать туризмы, аны гамәлгә ашыруда КНИТУ зур роль уйнарга планлаштыра.