Хөкүмәт яшь галимнәргә торак сертификатларына 1 млрд сум бүлеп бирәчәк
Яшь галимнәргә торак сертификатларын бирү программасы 2022 елга киңәйтеләчәк. Финанслау күләме 1 млрд. сум тәшкил итәчәк, дип белдерде РФ Премьер-министры Михаил Мишустин.
Министрлар Кабинеты башлыгы билгеләп үткәнчә, бу ярдәм чарасы РФ Президенты Владимир Путин кушуы буенча озайтылган.
Аның сүзләренә караганда, әлеге программа ярдәмендә яшь белгечләр торак мәсьәләсенә игътибар итмичә, тынычлап фәнни эш белән шөгыльләнә алачак.
"Фатирга Документларны 300 дән артык перспективалы белгеч ала алачак", - дип ачыклык кертте Хөкүмәт Рәисе.
Ул бүгенге көндә мөһим бурычларның берсе - Россия икътисадына квалификацияле кадрлар җәлеп итү, дип белдерде. Әлеге максатка ирешү өчен өстенлекле юнәлеш программалары буенча магистрларны көндезге уку өчен югары уку йортларында бюджет урыннары санын арттыру турында Карар кабул ителде.
Исегезгә төшерәбез, агымдагы елның февралендә Россия лидеры Владимир Путин фәнни хезмәткәрләрнең, яшь галимнәр һәм югары уку йортлары мөгаллимнәренең торак шартларын яхшырту буенча йөкләмәләр бирде.