Милли проектлар чит ил технологияләренә алмаш табарга, укытучы һәм үз-үзең белән шөгыльләнергә ярдәм итә
2022 елда эшли башлаган "Профессионалитет" федераль проекты программалары буенча укуны 150 меңнән артык студент башлап җибәрә алачак. Көллият һәм техникум укучылары кыска вакыт эчендә белгечләр була алачак.
Проектның белем-җитештерү кластерларына илнең 70 уку йорты керәчәге билгеле. Ә әлегә балалар заманча җиһазлар белән җиһазландырылган остаханәләрдә үзләренең осталыкларын шомарталар.
"Профессионалитет" программасы кадрлар әзерләүгә тармак ягыннан якын килүне чагылдыра. Икътисад даирәләре ихтыяҗларына һәм теге яки бу өлкәдә кайсы белгечләр күбрәк кирәк булуга карап, студетларны оптимальләштерелгән срокларда - нибары 2-2,5 ел эчендә әзерлиячәкләр.
Һөнәри белем бирү системасын камилләштерү эре сәнәгать предприятиеләре, потенциаль эш бирүчеләр белән тыгыз хезмәттәшлектән башка мөмкин түгел. Алар уку җиһазларын яңартуда актив катнашалар, бу чыгарылыш укучыларын предприятиегә җайлаштыру чорын киметергә мөмкинлек бирә.