Россия мәктәпләрендә 1 сентябрьгә 100 меңнән артык яңа уку урыны кертеләчәк

2022 елның 31 августы, чәршәмбе

Сентябрьгә Россия мәктәпләрендә 100 меңнән артык яңа уку урыны кертеләчәк. Бу хакта регионнар белән селектор киңәшмәсендә вице-премьер Татьяна Голикова сөйләде.

"Быелның 1 сентябренә шулай ук 150дән артык мәктәптә 100 меңнән артык яңа урын һәм 170 - дән артык балалар бакчасында 26 меңнән артык урын кертү планлаштырыла",-дип аңлатты вице-премьер.

Аның сүзләренә караганда, яңа уку урыннары өченче сменада укучылар санын 2,4 мең кешегә киметергә мөмкинлек бирәчәк.

1 сентябрьдә мәктәпләргә һәм балалар бакчаларына барлыгы 17,5 млн мәктәп укучысы һәм 7 млн мәктәпкәчә яшьтәге бала барачак.