Күп балалы гаиләләрдә тәрбияләнүче балаларга вузларда укырга ташлама бирергә тәкъдим иттеләр
ЛДПР фракциясе депутатлары Дәүләт Думасына керү сынауларын уңышлы узу шарты белән күп балалы гаиләләрдәге балаларга уку йортларында 50 процент ташлама бирергә тәкъдим итүче закон проекты кертте.
ЛДПР әйтүенчә, хәзерге вакытта андый гаиләләрдәге балаларның югары белем алу өчен ташламалары юк, гәрчә уку бәяләре югары булып кала.
"Күпбалалы гаиләләр торак-коммуналь хуҗалыгы һәм кирәкле товарлар өчен түләүгә финанс чыгымнарын тота, димәк, мондый гаиләләрдә балаларга югары белем алу тагын да зур финанс чыгымнарын таләп итә. Шуңа күрә мондый гаиләләргә өстәмә ярдәм чаралары таләп ителә", - диелә хәбәрдә. Фракциядә билгеләп үткәнчә, күп балалы гаиләләр демографик проблеманы хәл итәргә ярдәм итә.
Июль уртасында күпбалалы гаиләләрнең ипотеканы түләүгә дәүләттән тиешле 450 мең сум акча сарыф итүе турындагы закон үз көченә керде.