Казанда «Җиңү диктанты» акциясендә очучы Советлар Союзы Герое Михаил Девятаевның улы катнашачак
2022 елның 3 сентябрендә «Тарихи хәтер» федераль партия проекты кысаларында «Җиңү диктанты» Бөек Ватан сугышы вакыйгалары темасына Халыкара тарихи диктант узачак. Татарстанда акция 167 мәйданчыкта узачак.
Быел «Җиңү диктанты» уздыруның үзәк мәйданчыгы Казан Кремлендә 1941-1945 еллардагы Бөек Ватан сугышы музей-мемориалы булачак. Акциянең барлык катнашучыларын һәм кунакларын Михаил Девятаев турында "Батырлык буларак тормыш" күргәзмәсе буенча экскурсия көтә, ул легендар очучы-фронтовикка Советлар Союзы Герое исеме бирелүгә 65 ел тулуга багышланган. Экскурсияне очучы-каһарманның улы Александр Девятаев үткәрәчәк.
Диктант региональ мәйданчыкларда гына түгел, онлайн форматта да язылырга мөмкин. Рәсми сайтта теркәлү https://диктантпобеды.рф/ ике форматта катнашу өчен дә кирәк.
Мәйданчыклар 12.00 сәгатьтә, ә диктант 14.00 сәгатьтә башлана.
Диктант нәтиҗәләре 2022 елның октябрендә билгеле булачак.