Россиядә «Бала ягында» опека һәм попечительлек органнары белгечләренең беренче Бөтенроссия конкурсы башлана
Россия Мәгариф һәм фән Министрлыгы опека һәм попечительлек органнары белгечләренең һөнәри эшчәнлеге өлкәсендә «Бала ягында» бөтенроссия конкурсын башлап җибәрә. Конкурс опека һәм попечительлек органнарының имиджын арттыру һәм һөнәри эшчәнлегендә уңай нәтиҗәләргә ирешкән белгечләрне билгеләп үтү өчен үткәрелә.
Анда опека һәм попечительлек органнарының бу өлкәдә кимендә өч ел эш стажы булган белгечләре, шулай ук балигъ булмаганнарның хокукларын һәм законлы мәнфәгатьләрен яклау өлкәсендә югары нәтиҗәләргә ия территориаль һәм муниципаль опека һәм попечительлек органнары катнаша ала.
Бәйге өч этапны үз эченә ала: сайлап алу этабы, ярымфинал һәм финал. Беренче ике этап читтән торып ерактан торып үткәрелә, финал шәхси рәвештә һәм онлайн-трансляция форматында узачак. Җиңүчеләрне бүләкләү тантанасы 2022 елның декабрендә Мәскәүдә узачак.
Конкурс нәтиҗәләре буенча опека һәм попечительлек органнары белгечләре арасында биш номинациядә җиңүчеләр билгеләнәчәк. Шулай ук опека һәм попечительлек органнары арасында өч номинация буенча җиңүчеләр игълан ителәчәк.
Конкурста һәр номинациядә өч катнашучы җиңүче дип таныла. Алар дипломнар һәм истәлекле бүләкләр алачаклар һәм Россия Мәгариф министрлыгының Рәхмәт хатлары белән бүләкләнәчәкләр.
Конкурста катнашу өчен чараның рәсми сайтында электрон теркәлү үтәргә кирәк.