Киберспорт: ул мәктәп укучылары өчен нинди мөмкинлекләр ача
Киберспорт – актив үсеш алучы, шул исәптән яшьләрне җәлеп итүче индустрия. Монда катгый таләпләр юк: көчле физик әзерлек булу яки кыйммәтле экипировка сатып алу кирәк түгел.
Киберспорт – уеннар белән кызыксыну гына түгел, ул команда белән эшләү күнекмәләрен үстерү, стратегик фикерләү күнегүләре ярдәмендә тиз карар кабул итү сәләтен арттыру.
Моннан тыш, кибер спорт дисциплиналары белән шөгыльләнү яшьләрне алга таба үсешкә, карьера биеклекләренә этәрә.
21 сентябрьдә Мәскәү вакыты белән 15:00 сәгатьтә эфирга чыгачак «Мәгариф мохите» онлайн-программасы экспертлары яшьләр өчен киберспортның нинди мөмкинлекләр ачуы һәм аның заманча белем бирү процессына ничек кертелүе турында сөйләячәк.
Эфир кунаклары:
– Дмитрий Смит – Россиянең компьютер спорты федерациясе президенты,
– Кирилл Федукович – киберспортчы, «DCL – the Game» программасы,
– Дмитрий Морозов – тарих укытучысы (Хабаровск крае), «Ел укытучысы – 2021» Бөтенроссия конкурсы лауреаты.
Программаны НИУ «Югары икътисад мәктәбе» мәгарифендәге медиакоммуникацияләр лабораториясе мөдире, «Комсомольская правда» медиахолдингы күзәтүчесе Александр Милкус алып бара.
Онлайн-программаны трансляцияләү «Российское образование» федераль порталы мәйданчыгында һәм Россия Федерациясе Мәгариф министрлыгының рәсми төркемендә ВКонтакте социаль челтәрендә булачак.