Татарстан Халыклары ассамблеясе советының күчмә утырышы Лаеш мәктәбендә узды
27 сентябрьдә Лаеш районында Татарстан Халыклары ассамблеясе Советы әгъзаларының күчмә утырышы узды.
Чарада Татарстан Республикасы Мәгариф һәм фән министры урынбасары Минзәлия Закирова, Лаеш районы башкарма комитеты җитәкчесенең социаль мәсьәләләр буенча урынбасары Андрей Карсалов, Лаеш районы мәгариф идарәсе башлыгы Лия Хөсәенова катнашты.
Утырыш кысаларында катнашучылар «Заманча мәктәп» федераль проекты кысаларында тормышка ашырылучы, Советлар Союзы Герое Б.К. Кузнецов исемендәге Лаеш районының 2 нче урта гомуми белем бирү мәктәбендә - «Үсеш ноктасы» үзәгендә булдылар.
Кунаклар ремонтланган физика, химия һәм биология кабинетларын карадылар. Һәр кабинетка заманча укыту-лаборатория җиһазлары куелган.
Мәктәптә 523 укучы белем ала. Белем бирү оешмасында өстәмә белем бирүнең 15 берләшмәсе эшли, аларда мәктәпнең 225 укучысы шөгыльләнә. Тагын 259 укучы балалар сәнгать мәктәбе, «Кама» спорт комплексы, район мәдәният йорты, үзәк мәдәният йорты түгәрәкләрендә һәм район спорт мәктәбендә шөгыльләнә. Өстәмә белем бирү системасы укучыларның гомуми мәшгульлеге 93% тәшкил итә.