«Россиянең Ел директоры – 2022» Бөтенроссия конкурсы Мәскәү өлкәсендә старт алды
Мәскәү өлкәсе Хөкүмәт Йортында мәктәп мәгарифе системасында идарәчеләрнең әйдәп баручы дәүләт конкурсын – «Россия Ел директоры» Бөтенроссия һөнәри конкурсын ачу тантанасы булды.
Бәйгенең сайлап алу этабы барышында Россиянең 69 регионыннан мәктәп җитәкчеләреннән 775 гариза килде. Төп этапта РФнең 24 субъектыннан 30 конкурсант узды. Нәкъ менә алар «Ел директоры – 2022» исеме өчен көч сынашачак.
Бөтенроссия конкурсы финалында Татарстан Республикасын Мамадыш районының 2 нче лицее директоры Салават Гыймранов тәкъдим итә.
Конкурс чаралары Е.М. Примаков исемендәге өлкә гимназиясе мәйданчыгында узачак. Аның җитәкчесе Майя Майсурадзе 2021 елда «Россия елы директоры» булды.
Катнашучыларны өч тур көтә. Башта 30 директорның барысы да «Уңыш формуласы» сынавын узачак, аннан соң жюри ун лауреатны билгеләячәк. Аннары катнашучылар үзләренең «Стратегик карарларын» тәкъдим итәчәкләр. Бу сынау нәтиҗәләре буенча биш призер билгеләнәчәк.
Өченче турда – ике конкурс сынавы: "Мастер-класс" һәм "Матбугат конференциясе". Алардан соң «Россиянең Ел директоры – 2022» Бөтенроссия конкурсында җиңүче исеме дә аталачак.
Җиңүчене бүләкләү тантанасы Мәскәүдә 5 октябрьдә Дәүләт Кремль сараенда Укытучылар көне уңаеннан тантаналы концертта узачак. Бу вакыйга Россия Президенты игълан иткән педагог һәм остаз елы башланыр алдыннан зур укытучылар атнасының төп чараларының берсе булачак.