РФ Мәгариф министрлыгы матбугат хезмәте материаллары буенча
3 октябрьдә «Россиянең укытучы- дефектологы -2022» һөнәри осталык V Бөтенроссия конкурсының федераль этабы ачылачак, ул быел беренче тапкыр ике номинацияне үз эченә ала: «Ел дефектологы» һәм «Ел логопеды». Конкурсны Россия Мәгариф министрлыгы үткәрә.
Конкурста мәгариф һәм медицина оешмаларыны, психологик-педагогик, медицина һәм социаль ярдәм үзәкләре, интернат-балалар йортларының дефектолог-укытучылары һәм логопедлары, катнаша
Конкурста Татарстаннан 2 укытучы катнаша. Катнаш төрдәге 22 нче Чистай балалар бакчасы укытучысы Гүзәл Җиһаншина һәм Казан шәһәренең 7 нче интернат-мәктәбенең укытучы-логопеды Анастасия Симонова. Аларга уңышлар телибез!
Конкурс ике этапта үтә. 20 сентябрьгә кадәр уздырылган төбәк һәм федераль этап.
Федераль этап исә ике турдан тора. 30 сентябрьгә кадәр читтән тору этабы уза. Аның кысаларында конкурсантларның һөнәри портфолиосы карала һәм һәр номинациядә ун лауреат сайлана.
Икенче этапта конкурсантлар үзләре катнаша һәм өч төрле сынау үтәчәкләр.
2022 елда конкурста катнашу өчен 74 төбәктән гариза кергән, шуларның 53е «Ел дефектологы» номинациясендә катнашу өчен, ә «Ел логотибы» номинациясенә - 48 гариза.
Конкурста катнашып «Ел дефектологы» һәм « Ел логопеды» номинацияләрендә җиңүчеләрне , 5 октябрьдә «Россия ел укытучысы - 2022» Бөтенроссия конкурсында җиңүчеләрне бүләкләү тантанасы кысаларында, Дәүләт Кремль сараенда бүләкләячәкләр.
«Россия укытучысы-дефектологы» Бөтенроссия һөнәри осталык конкурсы ел саен, 2018 елдан бирле, уздырыла.
Конкурс Россия Федерациясе Мәгариф министрлыгы тарафыннан гамәлгә куелган һәм Регионара дефектологлар берлеге ярдәмендә уздырыла. Конкурсның операторы - Россия мәгариф академиясенең коррекцион педагогика институты.
2018 елдан 2022 елга кадәр конкурс узган вакытта анда Россия Федерациясенең 74 субъектыннан 348 конкурсант катнашкан.