"Смена"да көллиятләрнең 3400 педагогы квалификация күтәрү курслары узды
«Смена» Бөтенроссия балалар үзәгендә «Профессионалитет» программасы кысаларында урта һөнәри белем бирү учреждениеләре педагоглары квалификация күтәрү курслары узды. «СПО мәгариф оешмаларында тәрбия эшен оештыру» мәгариф программасында илнең көллият һәм техникумнарының 3400дән артык кураторы катнашты.
Уку курсы өч төркем тыңлаучыны колачлады. Күпчелек педагоглар белем бирү программасын «Өстәмә һөнәри белем бирүнең цифрлы экосистемасы» онлайн-платформасында үзләштерде. Аларның тагын 200се көндезге белем бирү интенсивында катнашты.
Дәресләр «Тәрбия өлкәсендә дәүләт сәясәте», «Белем бирү оешмасының тәрбияви эшендә норматив документлар», «Урта һөнәри белем бирү системасының укыту төркеме кураторының тәрбияви эшен проектлау» мәгариф модульләрен үз эченә алган. Арадаш һәм йомгаклау аттестациясен уңышлы үткән тыңлаучылар квалификация күтәрү турында таныклыклар алдылар.
2023 елда белем бирү модульләре исемлеген киңәйтергә, экспертлар санын һәм программаның төп этаплары санын арттырырга уйлыйлар Шулай ук балалар үзәге планнарында - «Профессионалитет» чыгарылыш укучылары һәм 2023 ел проектында катнашучылар арасында тәрбия өлкәсендә педагогик тәҗрибә уртаклашу да бар.