2023 елда «Профессионалитет» проекты кысаларында төзелеш тармагы буенча 6 кластер ачылачак
«Профессионалитет» федераль проекты тагын бер юнәлеш - төзелеш тармагы белән тулыланачак, аның кысаларында 2023 елда алты кластер булдырылачак. Бу хакта, II Халыкара төзелеш чемпионатында «Россия Федерациясе төзелеш комплексында квалификацияле кадрлар кытлыгын җиңү механизмнары» сессиясендә чыгыш ясаганда, .Россия Мәгариф министрлыгының урта һөнәри белем һәм һөнәри белем бирү өлкәсендә дәүләт сәясәте департаменты директоры Виктор Неумывакин хәбәр итте,
"Профессионалитет" программасыннан тыш, Россия Мәгариф министрлыгы Россиядә эш бирүчеләрдә урта һөнәри белем популярлыгын үстерүне тәэмин итүче тагын берничә чишелеш тапты. Алар арасында - чыгарылыш укучыларының гамәли күнекмәләрен бәйсез бәяләүче демонстрацион имтихан кертү һәм остаханәләрне матди-техник чаралар белән җиһазландыру.
Бүген төзелеш белгечлекләре һәм һөнәрләре буенча урта һөнәри белем бирү программаларын 1261 урта һөнәри белем бирү оешмасы һәм 53 югары белем бирү оешмасы гамәлгә ашыра. Төзелеш белгечлекләренә һәм һөнәрләренә 66,7 мең кеше кабул ителә.
Моннан тыш, 2023 елдан Россия Федерациясе территориясендә СПО программалары буенча укуга кабул итүнең контроль саннарын Россия Федерациясе субъектлары бюджетлары исәбеннән бүлү буенча бердәм һәм сыгылмалы якын килүне тәэмин итү планлаштырыла.
Тармакара координацияләү органы төзеләчәк, аңа шул исәптән тармак эш бирүчеләре һәм кече һәм урта эшкуарлык вәкилләре керәчәк. Белгечләр төбәкнең билгеле бер тармагы буенча урта һөнәри белем бирү оешмалары белгечләренең кадрлар ихтыяҗына анализ үткәрәчәк, әлеге эш нәтиҗәләре кабул итү саннарын раслаганда кулланылачак.