Вузларга елына кимендә ике тапкыр террорчылык янауларына каршы уку күнегүләре уздыру йөкләнгән
Россия Хөкүмәте Рәисе урынбасары Дмитрий Чернышенко йөкләмәсе буенча Россия Мәгариф һәм фән министрлыгы карамагындагы, 246 оешмада - вузларда һәм аларның филиалларында, көллиятләрдә һәм балалар бакчаларында, куркынычсызлык системаларын тикшерү узды.
Исегезгә төшерәбез, әлеге чараларны үткәрү турында йөкләмә аның Киров өлкәсенә эш сәфәре вакытында, 2022 елның августында, вице-премьер тарафыннан бирелгән иде. Уку күнекмәләре һәм инструктажлары университет һәм хокук саклау хезмәткәрләре катнашында үткәрелде.
Укулар шулай ук фәнни-тикшеренү үзәкләрендә, галимнәр йортларында , һәм Россия Мәгариф министрлыгы карамагындагы пансионатлар, санаторийларда уза.
Россия Мәгариф һәм фән министрлыгы югары уку йортларында террорчылыкка каршы куркынычсызлыкны арттыру өчен эшләнде:
- террорчылык җинаятьләрен башкарганда (янаганда) югары уку йортлары персоналының, хосусый саклау оешмалары хезмәткәрләренең һәм студентларның эш алгоритмнары;
- югары уку йортларының Россия Эчке эшләр министрлыгы, Росгвардия һәм Россия ФСБ органнары белән мәгълүмати хезмәттәшлек алгоритмнары;
- тәртип бозучының төп гамәлләре, кораллы һөҗүм, шартлаткыч җайланма урнаштыру, вуз территориясендә тотаклар алу
Документлар Россия Мәгариф министрлыгы, Росгвардия, Россия Эчке эшләр министрлыгы, Россия ФСБ һәм Россия Гадәттән тыш хәлләр министрлыгы белән килештерелгән һәм илнең барлык университетларына җиткерелгән.
Моннан тыш, югары уку йортлары ректорлары өчен «Югары белем бирүче мәгариф оешмасында комплекслы иминлек» квалификациясен күтәрү курсы эшли башлады. Ул террорчылыкка каршы комитет кушуы буенча төзелгән. Курсларда укучылар белем бирү оешмаларында комплекслы куркынычсызлык белеме һәмтаныклык алачак .