Казанда мәктәп спорт клубларының Бөтенроссия форумы уза
20-21 октябрьдә Казанда мәктәп спорт клубларының Бөтенроссия форумы узачак. Россиянең мәгариф министры Сергей Кравцов һәм Россия Федерациясенең спорт министры Олег Матыцин «ШСК - һәрвакыт хәрәкәттә булырга!» темасына пленар утырышта катнашачак. Пленар утырышта шулай ук Физик культура һәм спорт өлкәсендә өстәмә гомуми белем бирү программалары буенча балаларны укытучы педагоглар арасында һөнәри осталык Бөтенроссия конкурсында җиңүчеләрне бүләкләү булачак.
Форум эшенең беренче көнендә мәктәп спортын стратегик үстерүнең төп мәсьәләләре каралачак. Икенче көн “спорт формасында” узачак: гомумроссия спорт федерацияләреннән мәктәп укучылары арасында иң популяр спорт төрләре буенча мастер-класслар узачак.
Форум чараларының , рәсми сайтта онлайн-трансляциясе булачак. Трансляцияне карау өчен алдан теркәлергә кирәк.
Үткәрү урыны: Идел буе дәүләт физик культура, спорт һәм туризм университеты (Татарстан Республикасы, Казан шәһәре, Универсиада авылы, 35 йорт).