Физкультура дәресләрендә өйрәнеләчәк модульләр
Ел ахырына кадәр спортның милли төре - лапта буенча «Физик культура» предметының тагын бер модуле эшләнәчәк. Мондый тәкъдим укытучыларның, спорт секцияләре тренерларының, өстәмә белем бирү педагогларының Россия Федерациясе Мәгариф министры Сергей Кравцов һәм Россия Федерациясе Спорт министры Олег Матыцин белән Казанда Идел буе физик культура, спорт һәм туризм университеты базасында уза торган мәктәп спорт клубларының Бөтенроссия форумы кысаларында очрашуы кысаларында белдерелде.
Аралашуда катнашучылар мәктәп спорт клубларын үстерү, шул исәптән педагогик составка ярдәм мәсьәләләре буенча фикер алыштылар. Очрашу барышында укытучылар федераль министрларга үзләрен борчыган сорауларны бирделәр. Шуларның берсе «Физик культура» предметының эчтәлегенә кагылды. Хәзерге вакытта мәктәпләр өчен 10 белем бирү модуле эшләнгән, шул исәптән йөзү, футбол, хоккей, рэгби, самбо, дзюдо, шахмат буенча. Быел тагын 7 өстәмә модуль әзерләнгән: бадминтон, фитнес-аэробика, хәрәкәтчән шахмат, триатлон, флорбол, җиңел атлетика һәм башкалар. Киләсе елда скалолазания, биатлон, теннис, роллер-спорт буенча модульләр эшләү планлаштырыла.