Олег Матыцин: «Спорт министрлыгы эшчәнлегенең иң мөһим юнәлешләреннән берсе - ул барлык укучылар: мәктәпкәчә яшьтәге балалар, мәктәп укучылары, студентлар өчен максималь уңайлы шартлар тудыру»
Бүген Казанда мәктәп спорт клубларының I Бөтенроссия слеты кысаларында Россия Федерациясе Спорт министры Олег Матыцин һәм Россия Федерациясе Мәгариф министры Сергей Кравцов укучылар арасында массакүләм спортны алга сөрү, аны тәрбияләү системасын үстерүдә һәм Россия Федерациясе Президенты йөкләмәсе кысаларында эшләнгән мәктәп һәм студентлар спортын үстерүнең тармакара программаларын гамәлгә ашыруда роле турында фикер алыштылар.
Программалар укучыларда балаларда һәм яшьләрдә сәләтләрен ачыклау, аларга ярдәм итү һәм үстерү буенча төбәк үзәкләрендә спорт белән шөгыльләнү мөмкинлекләрен киңәйтергә, укучылар арасында белем бирү оешмасы дәрәҗәсендә һәм муниципаль дәрәҗәдә түгәрәк система буенча ярышлар сериясен башлап җибәрергә, дәрестән тыш вакытта физик культура һәм спорт белән даими шөгыльләнүче балалар санын арттырырга мөмкинлек бирәчәк.
Стратегиянең өстенлекле юнәлешләреннән берсе - барлык дәрәҗәдәге мәгариф оешмаларында - мәктәпкәчә белем бирүдән алып югары белем бирү оешмаларына кадәр физик культура һәм спорт системасын үстерү. Олег Матыцин Сергей Кравцовка һәм Мәгариф министрлыгыннан хезмәттәшләренә Стратегия проектын әзерләүдә ярдәм иткәннәре өчен рәхмәт белдерде.
Киңәшмә барышында шулай ук «Президент спорт уеннары» һәм «Президент ярышлары» Бөтенроссия спорт ярышларын (уеннарын) оештыру һәм уздыру мәсьәләләре буенча фикер алыштылар.