Татарстанда «Профессионалитет» проекты кысаларында бердәм ачык ишекләр көне узды
22 октябрьдә Алабуга политехник көллияте, Әлмәт политехник техникумы, Чаллы политехник көллияте һәм Кукмара аграр көллияте базасында төзелә торган мәгариф-җитештерү үзәкләрендә (кластерларда) «Профессионалитет» федераль проекты кысаларында бердәм Ачык ишекләр көне узды.
Чараның максаты - укучыларны һәм аларның ата-аналарын заманча урта һөнәри белем системасы белән таныштыру, Татарстан Республикасында «Профессионалитет» федераль проекты концепциясен тиражлау.
Чаралар программасы муниципаль районнарның 9 нчы сыйныф укучыларының республика ата-аналар җыелышын Zoom-конференция режимында уздыруны үз эченә ала. Ата-аналар алдында Татарстан Республикасы Мәгариф һәм фән министрлыгы вәкиле, мәгариф оешмасы администрациясе һәм эш бирүчеләр вәкилләре чыгыш ясаячак.