Әлмәт политехника техникумында Бөтенроссия ачык ишекләр көне узды
22 октябрьдә Әлмәт политехника техникумы базасында "Профессионалитет" федераль проекты кысаларында Бөтенроссия ачык ишекләр көне узды. Чарада шәһәр һәм районның 2000нән артык укучысы, шулай ук ата-аналар, республика һөнәри белем бирү оешмалары җитәкчеләре, эш бирүчеләр катнашты.
Федераль проектны гамәлгә ашыру бурычларының берсе гомуми белем бирү мәктәпләрендә укучыларга һөнәри юнәлеш бирү, булачак студентларга белгечлекне дөрес һәм аңлы рәвештә сайларга мөмкинлек бирә.
“Әлмәт политехника техникумы” ДАҺБУ (ГАПОУ) 2023 елда федераль бюджеттан грантлар бирүгә конкурс нигезендә сайлап алуны уңышлы үтте һәм “Профессионалитет” белем бирү-җитештерү үзәгенең (кластерның)- ягулык-энергетика комплексы базасы булып тора.
Чарада катнашучыларны сәламләп, техникум директоры Илдар Багманов проектның асылын аеруча ихтыяҗ булган һөнәрләр һәм белгечлекләр буенча кадрлар әзерләүнең яңа моделе дип билгеләде.
Ул Әлмәт политехника техникумында белем бирү перспективалары, проектның ягулык-энергетика комплексы кластерына кертелгән яңа белем бирү программалары буенча практика мөмкинлекләре турында җентекләп сөйләде.
Алга таба техникум буенча экскурсия үткәрделәр. Урта звено кадрларында ил җитештерүнең югары ихтыяҗын исәпкә алып, проект урта уку йортларын тәмамлаучыларны эшкә урнаштыруны 90% ка кадәр арттырырга мөмкинлек бирәчәк, ә ачык ишекләрнең бердәм көне өлкән сыйныф укучыларына дөрес сайлау ясарга мөмкинлек бирәчәк.