Менделеевск укучылары һәм ветераннары мобилизацияләнгәннәргә җылы оекбашлар һәм хатлар тапшырачак
Бүген Менделеевск солдатларының тагын бер төркеме китәчәк.
Шәһәрнең ветераннар (пенсионерлар) советы укучылар белән берлектә аларга бүләк җыелмалары әзерләде. 96 пар оекбаш хезмәткә алынган егетләргә тапшырылачак. Һәр оекбаш эченә 1 нче мәктәп укучылары , 11 нче һәм 12 нче балалар бакчалары укучылары әзерләгән хатлар, рәсемнәр тыгылган.
Татарстан Дәүләт Советы депутаты Эдуард Шәрәфиевка да мәктәп укучыларыннан хатлар тапшырылды. Ул аларны сугышчыларга тапшырыр дип планлаштырыла.
- Луганскка икенче юлы барганда тапшырыр, алар анда бик кирәк. Кем генә язса да, өйдән хәбәрләр күңелләрне җылыта һәм авырлыкларны җиңәргә булыша, - дип язды үзенең Telegram-каналында Менделеевск районы башлыгы Радмир Беляев.
Исегезгә төшерәбез, Менделеевск районында мобилизацияләнгән һәм аларның гаилә әгъзаларына ярдәм итү штабы эшли. Шәһәрдән гуманитар ярдәмнең берничә партиясе җибәрелгән, аерым алганда, Лисичанск өчен.