Казанның 13 укучысы «Большая перемена» Бөтенроссия конкурсы җиңүчеләре һәм призерлары
Казаннан 13 укучы, 9-11 нче сыйныф укучылары арасында “Большая перемена ” Бөтенроссия конкурсында җиңүчеләр һәм призерлар булдылар. Ярышлар финалы 23-28 октябрь көннәрендә “Артек” балалар үзәгендә узды, анда бөтен илдән 1500 өлкән сыйныф укучылары катнашты.
Финалда укучылар , 8 дән 12 кешегә кадәр булган командага берләшеп, кейслар чиштеләр. Бу елның йомгаклау сынау темасы "Яшүсмер, педагог, мохит" булды.
Финал нәтиҗәләре буенча конкурста 121 нче лицей укучысы Камилла Якупова, 182 нче лицей һәм Киров районының 4 нче гимназия-интернат укучысы Ева Горшунова һәм Диана Шувалова, Мәскәү районының 122 нче гимназия укучысы Аделина Һадеева, Идел буе районының халыкара мәктәбе укучысы Варвара Бутенко җиңделәр.
Призлы урыннарны Идел буе районының 83нче лицей укучысы Эвелина Хәйруллина, Совет районының 121 нче лицей укучысы Екатерина Калмыкова, Вахитов районының 131 нче лицей укучысы Венера Белялова, 4нче гимназия-интернат һәм Киров районының 32 мәктәп укучылары Азалия Ибраһимова һәм Руслан Малинин, шулай ук 177 нче лицей һәм Яңа Савин районының “Адымнар” 89нчы һәм полилингваль комплексы укучылары Карина Исмәгыйлева, Данил Дюрягин һәм Ләйсән Гатауллина алдылар, дип хәбәр иттеләр шәһәрнең башкарма комитеты мәгариф идарәсендә.