Чыгарылыш cыйныф укучыларына география буенча БДИга әзерлек турында сөйләделәр
География буенча имтихан эше структурасы 2023 елда үзгәрмәгән. Александр Лобжанидзе әзерләнгәндә “Россия географиясе” тематик бүлегенә аерым игътибар бирергә тәкъдим итте, чөнки аңа БДИда иң күп биремнәр кертеләчәк.
Белешмә материаллары комплектына кертелгән Россия сәяси картасы һәм дөньяның сәяси картасы 1, 9, 24, 25 биремнәрне үтәгәндә, шулай ук башка биремнәрне үтәгәндә кулланылачак, анда дөрес җавап өчен аерым илләрнең яки регионнарның картасындагы торышын аңлау кирәк. Шулай ук, белешмә материаллар комплектында 19-20 һәм 26-27 биремнәрен үтәү өчен кирәк булган ике статистик таблица бар.
Александр Лобжанидзе шулай ук БДИга әзерләнгәндә дәреслекләрдән кайбер мәгълүматны актуальләштерергә киңәш итте. Алдынгы илләрне билгеләгәндә агымдагы мәгълүматны күзәтергә кирәк. Мәсәлән, халык саны буенча беренче ил булып бүген бер ел элек булган Кытай түгел, ә Һиндстан тора, дип билгеләде ул.
Эфирның видеоязмасын Рособрнадзорның "ВКонтакте" һәм башка социаль челтәрләрдә карарга мөмкин.