Зур этнографик диктант 3 нче ноябрьдә узачак
“Зур этнографик диктант” халыкара акциясе 3 ноябрьдән 8 ноябрьгә кадәр онлайн-форматта узачак.
«VII Халыкара агарту акциясенең максаты - илдә яшәүче халыкларның тарихына, мәдәниятенә һәм традицияләренә кешеләрнең игътибарын җәлеп итү. Бу белем Россия Федерациясе халыкларының татулыгын, милләтара тынычлыгын һәм милли бердәмлеген ныгытуга ярдәм итә, шулай ук халыкның этнографик белем дәрәҗәсен күтәрә", - дип билгели проектны оештыручы матбугат хезмәте , Милләтләр эшләре буенча федераль агентлык.
Диктант "Халык күп – ил берәү генә" шигаре астында уздырыла.
Биремнәр 3 нче ноябрьдә Зур этнографик диктантның рәсми сайтында, miretno.ru бастырылачак.
Катнашучыларга 45 минут эчендә 30 сорауга җавап бирергә кирәк булачак: аларның 20се - гомумфедераль сораулар, 10сы - төбәк, һәр субъект өчен уникаль сораулар әзерләнгән.
Барлык биремнәрне үтәгән өчен иң югары бал 100.
Сорауларга җавап бирү вакыты 45 минут.
Диктантта катнашу өчен төбәк биргән акция мәйданчыгына килергә, онлайн-форматта сорауларга www.miretno.ru рәсми сайтында җавап бирергә кирәк.