Уку елы актив башланды: Сферумны кулланучылар саны 4 миллионнан арткан
Сферум мәгълүмат-коммуникация мәгариф платформасын кулланучылар саны 4 миллионнан артык. Теркәлгән мәктәп укучылары саны - 3,5 млн, укытучылар - 0,5 миллионнан артык .
Бүгенге көнгә Сферумга 33 мең мәгариф оешмасы тоташтырылган. Платформада иң күп мәктәпләр Дагыстан һәм Татарстан республикаларыннан, шулай ук Мәскәү өлкәсеннән.
Яңа уку елына Сферум берничә масштаблы яңарту эшләтеп җибәрде. Платформада видео һәм шалтыратулардагы һәм трансляцияләрдәге тавыш сыйфаты яхшыртылган. Моннан тыш, Сферумның уку профиле хәзер VK да мөмкин. Укытучылар, мәктәп укучылары һәм аларның ата-аналары ябык киңлектә бер-берсе белән аралаша ала. Чатларда реклама җибәрүләр һәм түләүле сервислар юк. VK Мессенджер шул ук вакытта бер кушымтада калып, уку буенча язышуны һәм шәхси аралашуны аерырга мөмкинлек бирә.
Сферум шулай ук РФ төбәкләрендә электрон журналлар һәм көндәлекләр белән интеграцияләү буенча актив эш алып бара. Мондый технологик карар бердәм ябык контурда булып, төп белем бирү сервислары арасында тиз арада күчәргә мөмкинлек бирә. Интеграция Түбән Новгород өлкәсе һәм Ханты-Манси автономияле округы мәгариф учреждениеләре өчен тәэмин ителгән.
Сферум 2021 елның 31 мартында РФ Хөкүмәтенең 2040 номерлы карары нигезендә "Цифрлы белем бирү мохите" булдыру кысаларында эшли башлады.