Россиядә мәҗбүри мәктәп предметлары буенча дәреслекләр пулы барлыкка киләчәк
Россиядә мәҗбүри уку предметлары буенча дәреслекләр һәм пособиеләр пулы булдыру планлаштырыла. Аларны яңа кагыйдәләр буенча төзиячәкләр, ә дәреслекләрнең федераль исемлегендә алар вакыты чикләнмәгән "прописка" алачак. "Дәреслекләрне квалификацияле авторлар коллективы, "көчәйтелгән эксперт фильтры" тарафыннан әзерләү, дәреслекләр буенча фәнни-методик совет аша материалны үтү исәбенә мәҗбүри уку предметлары буенча дәреслекләрнең һәм пособиеләрнең яңа югары сыйфатлы пулын булдыру күз алдында тотыла", - дип өземтә китерә ТАСС Мәгариф министрлыгы матбугат хезмәте.
Министрлыкта яңа кагыйдәләр буенча әзерләнгән дәреслекләр һәм уку ярдәмлекләре дәреслекләрнең федераль исемлегенә чикләүсез кертеләчәк, дип аныкладылар.
Мәктәп дәреслекләре экспертизасы тулаем алганда көчәячәк.
"Шәхси югары профессиональ экспертлар уздырган гомуми универсаль экспертизадан тыш, бу өлкәдә репутациягә һәм тәҗрибәгә ия оешмалар тарафыннан аерым педагогик һәм фәнни экспертиза үткәреләчәк", - дип хәбәр иттеләр министрлыкта.