Яшел Үзәндә рухи-әхлакый кыйммәтләрне саклау һәм ныгыту мәсьәләләре хакында фикер алыштылар
Бүген, 10 ноябрьдә, Татарстан Республикасы Мәгариф һәм фән министрлыгы Яшел Үзән муниципаль районының мәгариф идарәсе белән берлектә Яшел Үзән шәһәренең 1 нче лицее базасында республика семинары үткәрде. «Укытучылар өчен «Дини мәдәниятләр һәм дөньяви этика нигезләре» һәм «Россия халыкларының рухи-әхлакый мәдәнияте нигезләре» дигән предметлар өйрәнгәндә укучыларның шәхси үсешен формалаштыру» темасына республика семинары узды.
Семинарда традицион Россия рухи-әхлакый кыйммәтләрен саклау һәм ныгыту эшен оештыруның актуаль мәсьәләләре каралды.
Мәгариф үсеше институтының методик эшен гамәлгә ашыру бүлеге начальнигы Ольга Мартьянова семинарда катнашучыларны педагогика, балалар һәм яшьләр белән эшләү буенча Бөтенроссия конкурсының төбәк этабын оештыру белән таныштырды.
Лицейда шәхес-үстерү белем бирү тирәлеген булдыру буенча үзенең тәҗрибәсе белән Яшел Үзән шәһәренең 1 нче лицее директоры Светлана Кудрявцева уртаклашты.