КНИТУ-КАИ студентлары «Газпром» бүлекчәсендә экскурсиядә булдылар
Экскурсиядә 1401, 1402 һәм 1403 КНИТУ-КАИ төркемнәре студентлары, «Теплоэнергетика һәм җылылык техникасы» һәм «Энергетик машина төзелеше» юнәлешләрен дә белем алучылар , «Газпром трансгаз Казан» ҖЧҖ нең Шәмәрдән линиясе идарәсе эше белән таныштылар.
"Газпром" бүлекчәләренә мондый экскурсияләр үткәрү традициягә керде. Студентларга Уренгой-Ужгород, Уренгой-Центр-1, Уренгой-Центр-2, Ямбург-Елец-1, Ямбург-Елец-2 магистраль газүткәргечләре буенча газ транспортлауның тулы циклы күрсәтелде.
Экскурсия барышында алар Шәмәрдән ЛПУМГ музеенда булдылар. Әңгәмәләр барышында студентлар газ турботөзелеше, компрессор техникасы һәм җылылык техникасы өлкәсендә теоретик әзерлек һәм профессиональ белемнәрен күрсәттеләр, предприятие вәкилләре сорауларына җавап бирделәр һәм үзләрен кызыксындырган сораулар да бирделәр.
КНИТУ-КАИ делегациясе җитәкчесе, җылылык техникасы һәм энергетика машина төзелеше кафедрасы профессоры Виктор Футин, шулай ук җылылык техникасы һәм энергетика машина төзелеше кафедрасы профессоры Игорь Попов һәм ИАНТЭ директоры урынбасары Рөстәм Аксянов предприятие белгечләре белән предприятие өчен максатчан кадрлар әзерләү һәм матди-техник җиһазлар белән тәэмин итү өлкәсендә киләчәк хезмәттәшлек перспективалары турында фикер алыштылар.