Хөкүмәт 2023 елга югары уку йортларында максатчан укуга кабул итү квоталарын раслады
Премьер-министр Михаил Мишустин 2023 елга югары уку йортларында максатчан укуга кабул итү квоталарын билгеләү турында боерыкка кул куйды. Киләсе уку елында медицина белгечлекләре өчен күпчелек бюджет урыннары максатчан булып калачак. Бу хастаханәләрне һәм поликлиникаларны яңа кадрлар белән тәэмин итәчәк, ә тәмамлаучыларга эшкә урнашу гарантияләрен бирәчәк.
Мәсәлән, "Педиатрия" (специалитет) белгечлеге буенча 76 процент тәшкил итәчәк, "Дәвалау эше" (специалитет) - 75 процент. Ә ординатураның иң дефицитлы белгечлекләре буенча - 100 процент.
Самолет һәм вертолет төзелеше өлкәсендә булачак белгечләр, поездлар хәрәкәтен тәэмин итү һәм тимер юлларны эксплуатацияләү системалары өчен максатчан урыннарның 70 проценты бүлеп бирелгән.
"Радиоэлектрон системалар һәм комплекслар", "Тимер юллар, күперләр һәм транспорт тоннельләре төзелеше", "Махсус радиотехник системалар", "Авиация һәм ракета двигательләрен проектлау" белгечлекләре буенча максатчан квоталар 60 процент тәшкил итәчәк.