Россия Мәгариф һәм фән министрлыгының 2022/23 уку елында олимпиадалар исемлегенә педагогик югары уку йортының 8 проекты керде
Педагогик югары уку йортлары һәм көллиятләр өчен абитуриентлар санын арттыру һәм педагогик һөнәр сайлауга юнәлеш алган мәктәп укучыларының бергәлеген формалаштыру өчен 2024 елга Россиядә 5000 психологик-педагогик сыйныф ачу планлаштырыла.
Мониторинг мәгълүматлары буенча, хәзерге вакытта 3329 психологик-педагогик сыйныф булдырылган, аларда 50,6 мең укучы белем ала.
2023 елда педагогик олимпиадаларда һәм конкурсларда катнашучы талантлы балаларга укырга кергәндә өстәмә ташламалар биреләчәк.
“Талантлы яшьләрне педагогик университетларга җәлеп итү өчен педагогик олимпиадалар үткәрелә. Аларда катнашу иң сәләтле һәм көчле студентларга кабул итүдә өстенлек бирә. Россия Мәгариф Министрлыгы карамагындагы педагогик университетларның 2023нче уку елына кабул итү кампаниясе студентларның шәхси казанышларын исәпкә алачак,- "дип аңлатма бирде кафедра директоры Алексей Благинин.
2022/23 уку елы өчен расланган Олимпиада исемлегендә булачак укытучыларга юнәлтелгән сигез Олимпиада бар һәм аларның дүртесендә мәктәп укучылары да катнаша ала.
1. "Форсайт педагогикасы" педагогика буенча Бөтен россия студентлар олимпиадасы (Минин университеты).
2. Университет күләмендәге "Педагогика проекты" конкурсы (Мәскәү дәүләт педуниверситеты).
3. Физик культура буенча халыкара студентлар олимпиадасы (Оренбург дәүләт педуниверситеты).
4. "Россиянең педагогик киләчәге" олимпиадасы (Мәскәү дәүләт педуниверситеты).
5. Педагогика буенча ачык региональ олимпиадасы (Томск дәүләт педуниверситеты).
6. "Педагогик дебют" вузара һөнәри бәйге (Мәскәү дәүләт педуниверситеты).
7. "Педагогик Олимп"Хабаровск өлкәсе гомумбелем бирү оешмалары укучылары арасында психологик һәм педагогик олимпиада. (Амур дәүләт гуманитар һәм педуниверситеты)
8. Мәктәп балалары өчен К.Д. Ушинский исемендәге Россия психологик һәм педагогик олимпиадасы.( Ярославль өлкәсе хакимияте, Ярославль дәүләт педуниверситеты).
Исемлеккә кертелгән конкурсларда һәм олимпиадада катнашучылар өчен төрле бүләкләү һәм башка төрле ярдәм күрсәтелә, аерым алганда, алар университетларга кергәндә Бердәм дәүләт имтиханы нәтиҗәләренә өстәмә баллар ала алалар.