Казан гимназиясе укытучысы Илүсә Сәлахова Халыкара мастер-классның Гран-приена ия булды

2022 елның 29 ноябре, сишәмбе

24-25 ноябрьдә Мәскәүдә "Төп халыкларның халыкара унъеллыгы бурычлары контекстында тел мәгариф сәясәте" Халыкара фәнни конференциясе кысаларында туган тел,  шул исәптән рус теле,  укытучыларының Халыкара мастер-классы узды. Безнең республиканы конкурста Казан Совет районының 90 нчы гимназиясенең татар теле укытучысы Илүсә Сәлахова тәкъдим итте. Илүсә Әдиповна мастер-класста Гран-при яулап,  җиңүче булды һәм "Туган телне, шул исәптән рус телен, туган телне саклауга һәм үстерүгә өлеш керткән өчен" медале белән бүләкләнде.