Татарстанда эпидемиологик вәзгыятькә бәйле ябылган мәктәпләр юк

2022 елның 14 декабре, чәршәмбе

13 нче декабрьгә булган мәгълүматларга караганда, республикада 483 921 укучы һәм 32 012 укытучы көндәлек иртәнге медицина фильтры үтә. Бүгенге көнгә «иртәнге фильтр»ны үтмәгән укучылар саны 154.

48 мәктәптә 142 сыйныф аерым.   Чикләү чараларының төп бурычы - авыру һәм сәламәт балаларны аеру. Укучылар, әгәр сыйныфта 20% бала грипп яки ОРВИ белән авырый икән, алар аеруга чыгарыла.