Булачак студентларга иң мөһим әйберләр турында сөйлиячәкләр: 5 февральдә вузда ачык ишекләр көне узачак
Булачак студентлар, университетта белем алуның яңа юнәлешләре турында бар нечкәлекләрне белә, үзләрен борчыган сорауларга җавапларны туп-туры вузда алачак. 5 февральдә Идел буе физик культура, спорт һәм туризм университетында Ачык ишекләр көне узачак.
Ачык ишекләр көне кысаларында абитуриентларны университет белән танышу, институтлар һәм кафедралар вәкилләре белән очрашулар көтә.
Укучылар урта һөнәри, югары белем бирү программалары, уку процессы, студентлар тормышы, практика һәм эшкә урнашу буенча укырга керү турында мәгълүмат ала алачак.
Булачак абитуриентларның шулай ук Россиянең иң яхшы кампусында - Универсиада авылындагы югары уку йорты тулай торакларында экскурсиядә булу мөмкинлеге булачак.
Моннан тыш, теләге булган кешеләр кабул итү комиссиясе белгечләреннән шәхси тәртиптә консультацияләр ала алачак.
Шулай ук киләсе уку елының яңалыгы- университет каршында урта һөнәри белем алу мөмкинлеге булачак. Беренче тапкыр югары уку йорты 9 сыйныфны тәмамлаучылар өчен урта һөнәри белем бирү программаларын тәкъдим итәчәк. Уку юнәлешләре арасында - физик культура, җайлаштырылган физик культура, сервис һәм туризм.
Казанга килә алмаучылар өчен чараның онлайн-трансляциясе оештырылачак (сылтама югары уку йорты социаль челтәрләрендә урнаштырылачак).
Чара югары уку йортының уку-лаборатория корпусында түбәндәге адрес буенча узачак: Казан, Универсиада авылы, 35 йорт, сәг.13:00.