«Инженерлык Республикасы» мәгариф проектында Татарстанның 8 районы катнаша
2022-2023 уку елында проектка Чистай, Яшел Үзән һәм Түбән Кама мәктәпләре кушылды. Проектта Татарстанның 8 муниципаль районы катнаша. Укучыларның гомуми саны 599 кеше (39 класс) тәшкил итте.
2018-2019 уку елында проект кысаларында Балтач гимназиясе базасында ике инженер классы эшли башлады: 1 “И” һәм 5 “И”, анда 30 кеше белем алды.2018 елның ноябрендә «Инженерлык Республикасы» мәгариф проекты Балтач районының Нурлат урта мәктәбе базасында (электрон белем бирү буенча компетенция мәктәп-үзәге) эшли башлады.Шушы еллар эчендә Балтач муниципаль районына түбәндәге районнар кушылды: Лаеш , Биектау, Балык Бистәсе, Кукмара районнары.
«Инженерлык Республикасы» белем бирү проектын гамәлгә ашыру өчен белем алучыларга төп, өстәмә белем бирүне үстерү һәм индивидуаль белем бирү траекториясен гамәлгә ашыруны тәэмин итү максатында шартнамәләр имзаланды. Проект Казан шәһәре Совет районының «Лицей - инженерлык үзәге» җитәкчеләре һәм педагоглары белән озата бара. Белем бирү проекты өстәмә белем бирү форматында заманча мәгариф технологияләрен кулланып, авторлык белем бирү программалары буенча техник һәм лингвистик юнәлешләрне берләштерү юлы белән гамәлгә ашырыла.
«Инженерлык Республикасы» инновацион белем бирү проекты укучыларны заманча дөнья таләпләренә әзерләүгә юнәлдерелгән 4.0 мәктәп белеме концепциясен формалаштырырга мөмкинлек бирә. Укуга күчү өзлексез белем бирүнең бөтен экосистемасын үзгәртә. Белем куллану парадигмасы икенче планга китә. Шул ук вакытта белем бирү базарында үз-үзен укыту һәм үз-үзен трансформацияләү принцибы өстенлек итәчәк.
«Инженерлык Республикасы» мәгариф проектын гамәлгә ашырганда инновацион алымнарның берсе булып дистанцион укыту форматы санала. Киләчәктә проектны Татарстанның читәрәк урнашкан муниципаль районнарында тормышка ашыру мөмкинлеге өчен online-укыту үсеше планлаштырыла.