Казанда «Россия ел укытучысы» конкурсының йомгаклау этабы башланды
20 мартта Казанда «Адымнар - белемнәргә һәм татулыкка юл» полилингваль комплексы базасында «Россиянең ел укытучысы» Бөтенроссия конкурсының Татарстан Республикасында региональ этабы старт алды .
30 елдан артык республика укытучылары әлеге һөнәри конкурста катнашалар, ул талантлы укытучыларны ачыклау, аларга ярдәм итү һәм бүләкләү, педагогик хезмәткәрләрнең социаль статусын, укытучы хезмәтенең абруен күтәрү, белем бирү эшчәнлеген оештыруда иң яхшы укытучыларның һәм инновацион технологияләрнең алдынгы педагогик тәҗрибәсен тарату, укытучы иҗаты эшчәнлеген үстерү максатыннан уздырыла.Татарстан Республикасы мәгариф һәм фән министры Илсур Һадиуллин конкурста катнашучы республиканың иң яхшы укытучыларын сәламләде. Конкурс финалына 55 педагог чыкты: шуларның 45 е - “Ел укытучысы” номинациясендә. 21 укытучы - “Педагогик дебют” номинациясендә. Алар Бөтенроссия конкурсының мәктәп, муниципаль һәм зональ этапларын узды.
Илсур Хәдиуллин конкурста катнашучыларга уңышлар теләде.
Татарстан Республикасында “Россиянең ел укытучысы” Бөтенроссия конкурсының төбәк этабы 24 мартта “Әкият” балалар үзәгендә тәмамлана. Анда абсолют җиңүче - финалист исеме яңгыраячак, аннары ул безнең республиканы Россия Федерациясендә тәкъдим итәчәк.