Казанның 101 нче балалар бакчасы педагогы Юлия Токмакова “Татарстанның ел тәрбиячесе” булды

2023 елның 27 марты, дүшәмбе

Казанның 101 нче балалар бакчасы педагогы Юлия Токмакова Татарстанда “Ел тәрбиячесе - 2023” Бөтенроссия конкурсының төбәк этабында җиңүче булды. Бүләкләү һәм ярышларның республика этабын ябу тантанасы Татарстан башкаласында уза. Нәкъ менә Юлия Токмакова Татарстанны федераль дәрәҗәдә тәкъдим итәчәк.

Җиңүчегә бүләкне ТР Дәүләт Советы депутаты Римма Ратникова тапшырды. Ул билгеләп үткәнчә, конкурста катнашучыларның барысы да "катлаулы марафон" узды, аның вакытында укырга һәм  ярышырга кирәк иде. Тантаналы чарада шулай ук “Туган телдә белем һәм тәрбия  бирүче тәрбияче” номинациясендә җиңүчене бүләкләделәр. Ул -Казанның 41 нче мәктәбе тәрбиячесе Айсылу Лотфуллина .