ТР укучылары квант технологияләре буенча "Саннар дәресе"ндә катнашачак
5 апрельдән 30 апрельгә кадәр Россия мәктәпләрендә «Киләчәк шәһәре: квант технологияләре безнең тормышны ничек үзгәртә» темасы буенча «Росатом» дәүләт корпорациясе тарафыннан «Саннар дәресе» проекты кысаларында оештырылган ачык дәресләр узачак. Укучылар , махсус тренажерлар ярдәмендә, үзләрен яшь физиклар ролендә сынап караячаклар.
Дәрес ике блоктан тора: уку фильмын карау һәм кече, урта һәм өлкән сыйныфлар өчен тренажерларда дәресләр үткәрү. Уку кинолентасының төп герое булачак һөнәрне сайлау бусагасында торучы укучы булачак. Практик өлеш вакытында балаларга уен форматында квант симуляторлары, даруларны адреслы китерү һәм квант криптографик ачкычны тапшыру өчен сенсорлар белән эшләү буенча кайбер биремнәрне үтәргә туры киләчәк.
«Саннар дәресе» проекты ел саен Россия Мәгариф министрлыгы, Россия Минцифрлы икътисад министрлыгы һәм «Цифрлы икътисад» АНО тарафыннан РФ Президенты Владимир Путин инициативасы белән «Россия Федерациясенең цифрлы икътисады» федераль проектына ярдәм йөзеннән Россиянең әйдәп баручы технологик компанияләре белән партнерлыкта үткәрелә.