Россиядә һәм чит илләрдә бишенче тапкыр "Җиңү диктанты" узачак
27 апрельдә Бөек Ватан сугышы вакыйгаларына багышланган “Җиңү диктанты” халыкара тарих акциясе узачак. Масштаблы чара бишенче тапкыр Россия Мәгариф министрлыгы ярдәмендә бөтен Россия һәм чит ил буенча төбәк мәйданчыкларында, шулай ук онлайн-форматта узачак.
“Җиңү диктанты” халыкара акциясе 2019 елдан бирле уздырыла. 2022 елда чарада Россиянең 85 төбәгендә һәм дөньяның 45 илендә 19 мең мәйданчыкта үтте, аларда 1,6 миллионнан артык кеше катнашты.
Акциянең максаты - илнең героик үткәне вакыйгаларына кызыксыну уяту, тарих буенча белемнәрне тикшерү, Бөек Ватан сугышы вакытында үз бабаларының батырлыклары турында белү.
Гадәттәгечә акциягә әзерлек чорында аның рәсми сайтында "Җиңү диктанты"н уңышлы язарга ярдәм итүче тренировка тестлары бастырыла. Алар барысы да Россия тарихи җәмгыятенең профессиональ эксперт-тарихчылары тарафыннан төзелгән.
«Җиңү диктанты» турында тулырак мәгълүмат акциянең рәсми сайтында урнаштырылган.
Үткәрү датасы һәм вакыты: 2023 елның 27 апреле, 12:00 (Мәскәү вакыты белән).
Үткәрү рәвеше: көндезге һәм дистанцион.