Мәскәүдә Бөтенроссия патриотик форумы узачак

2023 елның 7 апреле, җомга

Бөтенроссия патриотик форумына гариза бирү кампаниясе башланды,  ул 12-15 июньдә Мәскәүдә узачак.

Форум заманча патриотик тәрбия системасы белгечләрен җыячак. Чарада Бөтенроссия патриотик оешмаларының төбәк бүлекләре вәкилләре һәм патриотик тәрбия өлкәсендә иҗтимагый оешмалар активистлары, башкарма хакимият органнары һәм дәүләт учреждениеләре составында патриотик тәрбия бирүче белгечләр һәм оештыручылар, региональ патриотик тәрбия үзәкләре хезмәткәрләре катнаша.

Бөтенроссия патриотик форумында 18 яшьтән өлкәнрәк Россия Федерациясе гражданнары катнаша ала.Катнашу өчен гаризаны 20 апрельгә кадәр сылтама буенча бирергә мөмкин.

Үткәрү датасы: 2023 елның 12-15 июне.

Үткәрү рәвеше: көндезге һәм дистанцион.