1 апрельдән 7 апрельгә кадәр Төмәндә информатика буенча Бөтенроссия олимпиадасының йомгаклау этабы узды
7 апрель көнне Татарстан Республикасы Мәгариф һәм фән министрлыгында “Ата-ана тәрбиясеннән мәхрүм калган балаларның торак хокуклары, махсуслаштырылган торак фондыннан торак урыннар яллаучыларның бурычлары һәм торакны саклап калуга һәм торак-коммуналь хезмәтләр өчен түләү буенча бурычларны үстерү темпларын киметүгә юнәлдерелгән чаралар турында” дигән темага түгәрәк өстәл узды. Түгәрәк өстәлдә катнашучылар ятим балаларга торак бирү һәм торак-коммуналь хуҗалык хезмәтләре өчен түләүне вакытында кертү буенча бурычларның үтәлеше турында фикер алыштылар.
Киңәшмәдә Татарстан Республикасы Мәгариф һәм фән министрлыгы, Татарстан Республикасы Җир һәм мөлкәт министрлыгы, Татарстан Республикасы Прокуратурасы, Татарстан Республикасында Кеше хокуклары буенча вәкаләтле вәкил Аппараты, Татарстан Республикасында Бала хокуклары буенча вәкаләтле вәкил Аппараты, Татарстан Республикасы Президенты каршындагы Дәүләт торак фонды, «Без бергә!», «Семья» хәйрия фонды, «Әтиләр берлеге» иҗтимагый хәрәкәте, Татарстан Республикасы Социаль сәясәт идарәсе, Казан башкарма комитетының опека һәм попечительлек бүлекләре, Ата-ана тәрбиясеннән мәхрүм калган балаларны гаилә урнаштыруга ярдәм итү үзәге, Казанда торак сәясәте идарәсе һәм торак-коммуналь хуҗалык комитеты хезмәткәрләре катнашты.