Казанда «Туган тел фест» узды
Педагог һәм остаз елы кысаларында 15 апрельдә «Бала-сити» мультилингваль балалар бакчасында тәрбияләү һәм укыту татар теле булган педагоглар өчен «Туган тел - 2023» республика фестивале узды.
Чарада ТР Дәүләт Советы Рәисе урынбасары, ТР да яшәүче халыклар вәкилләренең татар телен һәм туган телләрен саклау, үстерү мәсьәләләре буенча комиссия рәисе Марат Әхмәтов, ТР мәгариф һәм фән министры урынбасары Минзәлия Закирова, Казан шәһәре Башкарма комитетының Мәгариф идарәсе башлыгы Ирек Ризванов, “Бала-Сити” генераль директоры, ТР Дәүләт Советы депутаты Альбина Насыйрова, ТР Мәгариф һәм фән министрлыгының мәктәпкәчә белем бирү бүлеге башлыгы Йолдыз Хисамиева, мәгариф идарәсе (бүлекләре) методистлары, мәгариф оешмалары җитәкчеләре, педагоглары катнашты.
Педагоглар мастер-класслар үткәрде, татар телендә алып барырга мөмкин булган туган телне укытуның төрле методикалары, проектлар белән таныштылар. Фестивальдә катнашучылар ирекле форматта үзләрен кызыксындырган темалар турында фикер алыштылар. Шулай итеп, фестиваль укытучылар, татар теле тәрбиячеләре өчен тәҗрибә һәм яңа идеяләр алмашу мәйданчыгы булды.
Фестиваль Татарстан Республикасында яшәүче халыклар вәкилләренең татар телен һәм туган телләрен саклау, үстерү мәсьәләләре буенча Татарстан Республикасы Раиса каршындагы комиссия ярдәмендә өченче мәртәбә уздырыла.