Казанда Гәрәев урамындагы мәктәп төзелешенә тагын 820 млн сум акча бүленде

2023 елның 3 мае, чәршәмбе

Рауис Гәрәев урамында мәктәп төзелешенә тагын 820,36 млн сум акча бүленгән. Эшләрнең заказчысы ТР Баш инвестиция-төзелеш идарәсе, дип хәбәр ителә дәүләт сатып алулары сайтында басылган тендерда.

Акчалар төзелеш-монтаж һәм башка эш төрләренә, шул исәптән җиһазларны урнаштыру һәм монтажлауга тотылачак дип күрсәтелгән  сатып алу турындагы мәгълүматта. Эшләр агымдагы елның 11 декабренә тәмамланырга тиеш.