Татарстан кадеты каратэ буенча ике тапкыр Россия беренчелеге чемпионы булды

2023 елның 4 мае, пәнҗешәмбе

27-28 апрельдә Мәскәүдә каратэ киокусинкай буенча Россия беренчелеге узды. Ярышларда Россиянең 27 төбәгеннән уенчылар  катнашты. Бу ярышлар уку-спорт елының финал этабы булды. Беренчелектә катнашу өчен төбәк ярышларында сайлап алынган иң яхшы спортчылар кертелде. Барлык бәйгеләр югары спорт дәрәҗәсендә узды.

Ярышларда Татарстан кадетлар корпусы кадеты Әмир Ишмөхәммәтов катнашты һәм җиңүче булды. Ул 12-13  яшьлекләр  категориясендә, авырлыгы  45кг га кадәр булганнар белән  ярышты. Әмир ике тапкыр чемпион булды.