Балалар һәм мәктәп укучылары өчен Бөтенроссия Җиңү дәресе узачак
Педагог һәм остаз елында 5 майдан 22 июньгә кадәр “Хәтер бакчасы” халыкара акциясе кысаларында 5-18 яшьлек Россия балалары һәм укучылары өчен Бөтенроссия Җиңү дәресе узачак. Дәресне Россия Мәгариф министрлыгы, өстәмә белем бирү һәм балаларның ялын һәм сәламәтләнүен оештыру федераль үзәге, «Җиңү волонтерлары» Бөтенроссия иҗтимагый хәрәкәте оештыра.
2023 елгы Бөтенроссия Җиңү дәресе темасы - «Хранят деревья память о войне». Дәрестә балаларга “Хәтер бакчасы” Халыкара акциясе турында сөйләячәкләр, аның максаты - һәлак булган Бөек Ватан сугышы геройларын һәм Ватаныбызны саклаган солдатларның истәлеген мәңгеләштерү.
Дәресне оештыру һәм уздыру буенча барлык материаллар һәм тәкъдимнәр, шул исәптән тәкъдир итү һәм видеороликлар, Җиңү дәресенең рәсми битендә урнаштырылган.