«Возможности без границ»конкурсы барлык Россия төбәкләрендә узачак
Педагог һәм остаз елында «Абилимпикс» инвалидлар һәм сәламәтлек мөмкинлекләре чикләнгән кешеләр арасында һөнәри осталык буенча чемпионат кысаларында «Возможности без границ»Бөтенроссия конкурсы уза. Катнашучыларга илнең төрле төбәкләренең этномәдәни образын гәүдәләндерәчәк арт-объект булдырырга кирәк булачак.Конкурс өч этапта уза, анда индивидуаль рәвештә дә, төркемләп тә катнашырга мөмкин. Беренче этап 10 июньгә кадәр дәвам итәчәк, эшләр 3 июньгә кадәр кабул ителә. "Абилимпикс" хәрәкәтенең региональ үсеш үзәкләре ул киләсе этапта үз эшен тәкъдим итәчәк катнашучыны яки команданы билгеләячәк.
13 июньнән 30 июньгә кадәр икенче этап узачак: бу «ВКонтакте» социаль челтәрендә «Абилимпикс» рәсми төркемендә ачык тавыш бирү. Тавыш бирү нәтиҗәләре буенча иң яхшы ун арт-объект билгеләнәчәк.
Өченче этап Мәскәүдә «Абилимпикс» илкүләм чемпионатының финалы барышында 20-23 октябрьдә узачак . Жюри финалистлар эшләре күргәзмәсендә иң яхшы өч объектны атаячак. Конкурс призерларын бүләкләү "Абилимпикс" чемпионатын ябу тантанасында узачак.
Конкурс Нигезләмәсе белән сылтама буенча танышырга мөмкин.