Татарстаннан өч балалар бакчасы «Снежный городок Эколят» Бөтенроссия конкурсы бүләкләре алды

2023 елның 5 мае, җомга

Россия Федерациясе субъектларының мәктәпкәчә белем бирү оешмалары һәм мәктәпләре катнашында «Снежный городок Эколят - 2023» Бөтенроссия конкурсының федераль этабына йомгак ясалды.

Бөтенроссия конкурсында Татарстанның 15 муниципаль берәмлегеннән 108 мәктәпкәчә белем бирү оешмасы катнашты. Конкурс эшенә педагогик хезмәткәрләр, балалар бакчаларында тәрбияләнүчеләр, ата-аналар җәлеп ителде. Учреждениеләр эшләрендә кардан ясалган уен, танып белү, спорт мәйданчыклары күрсәтелде. Иң яхшы «Снежный городок Эколят - 2023» Бөтенроссия конкурсында җиңүчеләр:

1 урын - Мамадыш районының «Бәләкәч» 5 нче балалар бакчасы, Чистай районының «Жемчужинка» 6 нчы балалар бакчасы.

2 урында Саба районының «Бәләкәч» 5 нче балалар бакчасы.

Котлыйбыз!