26 нчы майда БДИның төп чоры башланды

2023 елның 26 мае, җомга

2023 елның 26 маенда география, әдәбият, химия буенча бердәм дәүләт имтиханы үткәрелә. Беренче имтихан көнендә Татарстанда 45 имтихан үткәрү пункты оештырылган, шул исәптән 1 имтиханны өйдә үткәрү пункты. Имтиханнар уздыру пункты аудиторияләрендә онлайн видеокүзәтү оештырылган.

География буенча - 135 , әдәбият буенча – 880, химия буенча – 1880 катнашучы БДИ тапшырачак.

Имтиханнар  10.00 сәгатьтә башлана.

Имтиханнарның озынлыгы:

-география 3 сәгать,

-әдәбият 3 сәгать 55 минут,

-химия 3 сәгать 30 минут.