Яр Чаллыда яңа уку елында кинозалы булган мәктәп ачылачак

2023 елның 31 мае, чәршәмбе

Яр Чаллы мэры Наил Мәһдиев төзелә торган 57 нче  гимназия бинасын карады. Бу мәктәп яңа уку елында үз ишекләрен ачачак. «Притяжение» микрорайонында белем бирү учреждениесенең әзерлеге 65%.

57 нче гимназия директоры Елена Федоренко төзелеш эшләрен күзәтә, дизайнерларга һәм төзүчеләргә яңа идеяләр тәкъдим итә. "Хәзер мәктәпкә укучылар җыю бара, педагогик состав тупланды", - дип ачыклык кертте ул.

Мәктәптә зур актлар залы һәм 15-20 урынлы кинотеатр булачак. "Бу дизайнерлардан бүләк", - дип аңлатты дизайнер Наталья Азарова.