Лазер тамашасы, фонтан эшли башлау, Камада таң ату: Менделеевскийда чыгарылыш балы узачак
23 июньдә Менделеевскийда шәһәр һәм районның 90 чыгарылыш сыйныф укучысы өчен чыгарылыш балы булачак. Эшлекле дүшәмбедә чыгарылыш кичәсе программасы турында мәгариф идарәсе башлыгы Рәис Нәҗипов сөйләде.
Бәйрәм С.Гассар исемендәге Мәдәният сараенда узачак. Ишегалды каршындагы мәйданда 17.45 тән 18.40 сәгатькә кадәр укучылар һәм ата-аналар белән интерактив уен программасы узачак. 19.00 дән 20.30 га кадәр тантаналы өлеш билгеләнгән, анда укучыларга медальләр һәм рәхмәт хатлары тапшырылачак. Шулай ук программада - концерт номерлары, лазер шоуы һәм фонтанны эшләтеп җибәрү. 20.30 дан 00.00 гә кадәр С.Гассар исемендәге мәдәният йортының тантаналар залында бәйрәм фуршеты һәм төн уртасыннан 01.45 сәгатькә кадәр дискотека узачак. 02.00дән 04.00гә кадәр чыгарылыш сыйныф укучылары Кама елгасы ярында таң атуын каршы алачак.
Район хакимияте башлыгы урынбасары Ләйсән Галиева балаларның иминлеге мәсьәләләренә аерым игътибар бирергә һәм кичәне лаеклы дәрәҗәдә оештырырга чакырды.