ГОСТ буенча сызым: заманча мәктәпләр практикасы
Сызым 2024/25 уку елыннан башлап, мәктәпләрдә яңадан (инженерлык сыйныфларында), инженерлык һәм технологик профиль көллиятләрендә һәм техникумнарында белем бирү процессының аерылгысыз өлеше булачак, Тиешле күрсәтмәне Россия президенты Владимир Путин бирде.
Бу фәнне төрле яшьтәге укучылар ничек өйрәнүе һәм нинди күнекмәләр үткәрүе турында «Белем бирү мохите» онлайн-программасы экспертлары сөйләде. "Энергия" көллиятенең укыту-методик эш буенча директор урынбасары Алексей Кириллов сызымны- сәнгать дип саный.
Ул шулай ук билгеләп үткәнчә, бу предметны алып баручы укытучылар даими рәвештә квалификация күтәрү программаларын уза - бу сызым курсын заманча дәрәҗәгә чыгарырга мөмкинлек бирә.
Мәскәүнең 67 нче мәктәбе директоры урынбасары Надежда Григорович ассызыклаганча, сызым курсы технология курсы белән инде бишенче сыйныфтан ук уңышлы интеграцияләнә, ә аны мөстәкыйль фән буларак өйрәнү җиденче сыйныфтан башлана.
Ул ачыклык керткәнчә, сызым барлык укучыларга да гомуми үсеш өчен кирәк, ул балаларда һәм яшүсмерләрдә фикерләү үсешен стимуллаштыра. Инженерлык сыйныфлары өчен махсус сызым курсы эшләнә.