Казан балалар бакчаларында 1 сентябрьдә 400 урынга исәпләнгән 20 ясле төркем ачылачак
Узган ел Казан балалар бакчаларында ясле итеп 360 урынлы 16 төркем оештырдылар. Беренче сентябрьдә 400 урынга исәпләнгән тагын 20 ясле төркем ачылачак. Бу хакта Татарстан мәгариф идарәсенең мәктәпкәчә мәгариф учреждениеләре белән эшләү бүлеге башлыгы Татьяна Багаева педагогик хезмәткәрләрнең республика август киңәшмәсе секциясендә хәбәр итте.
«Соңгы елларда гына да Казанда 7,5 мең урынлык 34 балалар бакчасы төзелде. Һәм мәктәпкәчә учреждениеләрнең 37 бинасына капиталь ремонт ясалды», - диде ул.
«Уңайлылык - сыйфат - нәтиҗә» озак сроклы шәһәр проекты кысаларында балалар бакчаларында 100дән артык махсуслаштырылган төркем ачылды. Моннан тыш, терәк-хәрәкәт аппараты бозылган балалар өчен кыска вакытлы булу үзәге эшли башлады, дип өстәде Багаева.
"Хәзер Яңа Савин районында яңа балалар бакчасы базасында ОВЗ лы балалар өчен үзәк ачылуга әзерләнә. Кадрларны сайлау һәм укыту буенча зур эшләр башкарыла», - дип ассызыклады Казан башкарма комитетының Мәгариф идарәсе вәкиле.
Шәһәрнең мәктәпкәчә белем бирү системасында 6 меңнән артык педагог эшли.